Klaten, - Jaman samangke jatidhiri lan bebuden luhur wiranem Indonesia
kawawas tansaya luntur. Kangge nggatra bebuden luhur bangsa
antawisipun kanthi kridha pramuka.
Pengurus Kwarcab Kabupaten Klaten, Agus Widodo nalika biwarakaken
undang-undang nomor kalih welas taun kalih ewu sedasa babagan gerakan
pramuka ing Kecamatan Gantiwarno, ngandharaken, lampah durjana ingkang
asring dipun giyaraken ing televisi sakelangkung mrihatosaken, lan
mutawatosi tumrap gesanging bangsa lan nagari menawi wiwit samangke
boten tumuli dipun awekani. Trep kaliyan undang-undang nomer kalih
welas kasebat, saben bebadan saged ndhapuk kepanduan utawi bebadan
kepramukaan, awit salebeting gerakan pramuka kamot piwucal disiplin,
prasaja, patriotisme sarta nggatra bebuden luhur.
Pangajabipun Camat Gantiwarno, Dwi Purwanto, sedaya elemen
masyarakat lan jagad pendidikan tumuli ngecakaken undang-undang kasebat.
Sumber : jogjatv
0 komentar:
Posting Komentar